Xalq deputatlari tumani Kengashi deputati D.Kenjeeva saylov okrugidagi 19-umumta’lim maktabi pedagog jamoasi bilan uchrashuv o‘tkazdi.

Uchrashuv davomida Prezidentimiz Sh.Mirziyoev tomonidan joriy yilning 11-fevral kuni qabul qilingan “2026-yilda Navoiy viloyatini barqaror ijtimoiy-iqtisodiy rivojlantirish chora-tadbirlari to‘g‘risida”gi PQ-58-son qarori hamda Oliy Majlis Senati tomonidan qabul qilingan Qarorlari mazmun-mohiyati atroflicha muhokama etildi.

Muloqot chog‘ida mazkur qarorning asosiy yo‘nalishlari - hududda sanoat va qishloq xo‘jaligini rivojlantirish, yangi ish o‘rinlari yaratish, infratuzilmani yaxshilash, aholi turmush darajasini oshirish, ijtimoiy soha ob’ektlarini barpo etish va ta’mirlash masalalari yuzasidan tushuntirishlar berildi.

Shuningdek, saylovchilar tomonidan bildirilgan taklif va murojaatlar tinglanib, ularni hal etish bo‘yicha tegishli chora-tadbirlar belgilandi.