📌 Madaniyat markazi faoliyati o‘rganildi

Xalq deputatlari Sherobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi, 13-“Qo‘shtegirmon” saylov okrugi deputati
N. Saidova tomonidan deputatlik faoliyatining ustuvor 24 yo‘nalishi doirasida Tuman Madaniyat markaziga tashrif amalga oshirildi.

🎭 Tashrif davomida O‘zbekiston Respublikasining “Madaniy faoliyat va madaniyat tashkilotlari to‘g‘risida”gi O‘RQ-668-son Qonuni talablari savolnoma asosida o‘rganildi.

🔹 O‘rganish jarayonida Madaniyat markazi faoliyatining qonunchilik talablariga muvofiqligi, madaniy tadbirlarni tashkil etish, aholining madaniy hordiq chiqarishi uchun yaratilgan sharoitlar hamda madaniyat sohasidagi vazifalarning ijrosi tahlil qilindi.

📌 Shuningdek, aniqlangan masalalar yuzasidan tegishli tavsiya va takliflar bildirilib, madaniyat markazi faoliyatini yanada takomillashtirishga qaratilgan chora-tadbirlar belgilandi.

Xalq deputatlari Sherobod tumani Kengashi kotibiyati matbuot xizmati.