#24_ta_muhim_masala
21-sonli maktabda kuz-qish mavsumiga tayyorgarlik holati o‘rganildi

Xalq deputatlari Farg‘ona tuman Kengashi deputati Sayidmirzayev G‘ofurjon G‘ayratjonovich saylangan 8-Kaptarxona saylov okrugida XDP tuman Kengashi raisi N.To‘xtasinova tomonidan kotibiyat bosh mutaxassislari bilan hamkorlikda 21-sonli maktabda kuz-qish mavsumiga tayyorgarlik holati o‘rganildi.
O‘rganish davomida maktabning mavjud infratuzilmasi, jumladan, o‘quv binolari, sinfxonalar, yo‘laklar, sanitariya-gigiyena xonalari hamda boshqa yordamchi inshootlarning holati atroflicha ko‘zdan kechirildi. Shuningdek, sinfxonalarning o‘quv jarayonini sifatli tashkil etish uchun zarur jihozlar bilan ta’minlanganligi, isitish tizimlarining sozligi va xavfsizlik talablariga rioya etilishi o‘rganildi.

Bundan tashqari, kuz-qish mavsumini betalafot va barqaror o‘tkazish maqsadida amalga oshirilayotgan tayyorgarlik ishlari, xususan, isitish tizimlarini mavsumga tayyorlash, issiqlik ta’minotining uzluksizligini ta’minlash, bino va inshootlarning tom qismi, eshik va derazalar holati, elektr tarmoqlari hamda yong‘in xavfsizligi vositalarining sozligi yuzasidan olib borilayotgan ishlar bilan tanishildi.
Aniqlangan kamchiliklarni bartaraf etish, maktabning yangi o‘quv yiliga puxta tayyorgarligini ta’minlash hamda kuz-qish mavsumida ta’lim jarayonining uzluksizligini ta’minlash yuzasidan mas’ullarga tegishli tavsiya va topshiriqlar berildi.

⌛ Kengashning rasmiy sahifalarini kuzatib boring. ⬇️
✅ Telegram |✅ Facebook | 🎬 YouTube | 📱 Instagram |🌐 E-Kengash.uz