Xalq deputatlari Shovot tumani Kengashi tomonidan hududning ijtimoiy-iqtisodiy rivojlanishiga qaratilgan dasturlar hamda yuqori turuvchi davlat organlari hujjatlarida belgilangan vazifalar ijrosini o‘rganish va nazorat qilish maqsadida monitoring ishlari olib borildi.
Monitoring jarayonida O‘zbekiston Respublikasi Prezidenti hujjatlari, Oliy Majlis palatalari hamda Hukumat qarorlari, shuningdek, oliy darajadagi tashriflar davomida erishilgan kelishuvlar asosida ishlab chiqilgan “Yo‘l xaritalari”da Shovot tumanini ijtimoiy-iqtisodiy rivojlantirish yuzasidan belgilangan chora-tadbirlarning amaliy ijrosi atroflicha ko‘rib chiqildi.
Mazkur jarayonda tuman hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i vazifasini bajaruvchisi Ruzimov Rafiq Bekbulsinovich, shuningdek, xalq deputatlari Shovot tumani Kengashi kotibiyat mudiri Masharipov Izzat Masharipovich hamkorligida tegishli yo‘nalishlar bo‘yicha manzilli o‘rganish ishlari amalga oshirildi.
O‘rganish davomida belgilangan vazifalarning bajarilish holati, mavjud muammolar, ularni bartaraf etish bo‘yicha ko‘rilayotgan choralar hamda ijro intizomini yanada kuchaytirish masalalariga alohida e’tibor qaratildi.
Shuningdek, hududni obodonlashtirish, kommunal infratuzilmani rivojlantirish, ekologik muhitni yaxshilash va aholi uchun qulay shart-sharoitlar yaratish borasidagi ishlarning samaradorligini oshirish yuzasidan tegishli taklif va tavsiyalar bildirildi.
Monitoring yakunlari asosida aniqlangan kamchiliklarni bartaraf etish, belgilangan chora-tadbirlarning o‘z vaqtida va sifatli ijrosini ta’minlash hamda mas’ul tashkilotlarning faoliyatini muvofiqlashtirish bo‘yicha tegishli vazifalar belgilab olindi.
Xalq deputatlari Shovot tumani Kengashi — hudud taraqqiyoti va aholi manfaatlari yo‘lida amalga oshirilayotgan ishlar ustidan samarali jamoatchilik va deputatlik nazoratini izchil davom ettiradi.