🔎 Xalq deputatlari Shovot tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi M. Kariyev hamda ekspert guruhi a’zolari tomonidan Shovot tumani hokimining birinchi o‘rinbosari Saidov San’at Qutlimuratovichning tumani hokimligida jismoniy va yuridik shaxslarning murojaatlarini ko‘rib chiqish faoliyati o‘rganildi.
📌 Mazkur masala Kengash sessiyasi kun tartibiga kiritilishi belgilangan bo‘lib, o‘rganish davomida murojaatlar bilan ishlashning amaldagi holati, ularni belgilangan tartibda ko‘rib chiqish hamda ijrosini ta’minlash masalalariga e’tibor qaratildi.
⚖️ Shuningdek, 19-modda 1-qismi bo‘yicha Shovot tumani hokimligining ijro intizomi bo‘yicha bosh mutaxassisi Sh.Qurbonov faoliyati ham o‘rganildi.
🤝 O‘rganish jarayonida Xalq deputatlari Shovot tumani Kengashi Kotibiyati mudiri I.Masharipov hamda bosh mutaxassisi U.Ro‘zmetov ishtirok etdi.
📊 O‘rganish yakunlari bo‘yicha aniqlangan masalalar tahlil qilinib, ularni bartaraf etish hamda murojaatlar bilan ishlash samaradorligini oshirish yuzasidan tegishli taklif va tavsiyalar shakllantirildi.
🏛 Mazkur o‘rganish natijalari Kengash sessiyasida muhokama qilinishi kutilmoqda.