Romish mahallasida aholi bandligini ta’minlash va kambag‘allikni qisqartirish ishlari o‘rganildi

📌Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi J. Norov hamkorligida Romish mahallasida hokim yordamchilari tomonidan aholi bandligini ta’minlash va kambag‘allikdan chiqarish borasida amalga oshirilayotgan ishlar o‘rganildi.
📌O‘rganish davomida mahalladagi ishsiz va daromad manbaiga ega bo‘lmagan fuqarolarni aniqlash, ularni doimiy va mavsumiy ish o‘rinlariga jalb etish, kasb-hunarga o‘qitish hamda tadbirkorlik faoliyatini yo‘lga qo‘yish orqali barqaror daromad manbalarini yaratish bo‘yicha olib borilayotgan ishlar tahlil qilindi.
📌Shuningdek, kambag‘allikdan chiqarilishi belgilangan oilalar bilan manzilli ishlash, ularning mavjud imkoniyat va ehtiyojlarini o‘rganish, bandligini ta’minlash orqali oilaviy daromadlarini oshirishga qaratilgan chora-tadbirlarning ijrosiga alohida e’tibor qaratildi.
📌O‘rganish jarayonida aniqlangan masalalar yuzasidan tegishli tavsiyalar berilib, aholi bandligini ta’minlash, yangi daromad manbalarini yaratish va kambag‘allikni qisqartirish borasidagi ishlarni yanada kuchaytirish zarurligi ta’kidlandi.