Aholiga sifatli va xavfsiz tibbiy xizmat ko‘rsatish — inson salomatligi va jamiyat farovonligini ta’minlashning eng muhim shartlaridan biridir. Shu bois tibbiyot sohasida malakali mutaxassislar faoliyatini tartibga solish, ularning kasbiy mas’uliyatini oshirishga qaratilgan yangi yondashuvlar joriy etilmoqda.
🔹O‘zbekistonda tibbiyot va farmatsevtika xodimlarini davlat ro‘yxatidan o‘tkazish tizimini bosqichma-bosqich joriy etish taklif qilinmoqda. Unga ko‘ra, 2027 yildan mazkur jarayon ixtiyoriy, 2030 yildan esa majburiy tartibda amalga oshirilishi ko‘zda tutilmoqda.
🔹Eng muhimi, davlat ro‘yxatidan o‘tmagan mutaxassisga kelgusida tibbiy yoki farmatsevtik faoliyat bilan shug‘ullanishga yo‘l qo‘yilmaydi. Bu talab, avvalo, sohada faoliyat yuritayotgan mutaxassislarning bilim va malakasini tizimli baholash, kasbiy standartlarga rioya etishini ta’minlash hamda fuqarolarga ko‘rsatilayotgan tibbiy xizmatlar sifatini oshirishga xizmat qiladi.
🔹Prezident tomonidan ushbu o‘zgarishlarni amaliyotga joriy etishda asosiy e’tiborni aholi uchun sifatli, zamonaviy va xavfsiz tibbiy xizmatlarni ta’minlashga qaratish bo‘yicha tegishli topshiriqlar berildi.
🔹Zero, inson salomatligi bilan bog‘liq sohada har bir mutaxassisning bilimi, malakasi va mas’uliyati muhim ahamiyatga ega. Yangi tizim tibbiyot xodimlarining kasbiy salohiyatini yuksaltirish bilan birga, aholining tibbiy xizmatlarga bo‘lgan ishonchini yanada mustahkamlashga xizmat qilishi kutilmoqda.

G‘ani Hamroyev,
Xalq deputatlari Jondor tumani Kengashi deputati,