#deputat_soʻrovi_javobi #poytaxtdeputatlari #deputatlik_faoliyati

❗️ DEPUTATLIK SO‘ROVI NATIJASI: “YANGI TOSHKENT” MAHALLASIDAGI ISSIQLIK TA’MINOTI BO‘YICHA KAMCHILIKLAR BARTARAF ETILDI

🏛 Xalq deputatlari Toshkent shahar Kengashi deputati Saidmurod Ibragimovning Olmazor tumani “Yangi Toshkent” mahallasidagi ko‘p qavatli uylarning issiqlik ta’minotini yaxshilash yuzasidan yo‘llagan deputatlik so‘roviga Toshkent shahar hokimligi tomonidan rasmiy javob taqdim etildi.

📩 Avvalroq deputatlik so‘rovida “Yangi Toshkent” mahallasi Keles yo‘li ko‘chasi 2-uy hamda Noroztepa ko‘chasi 68-uyda kuz-qish mavsumida issiqlik ta’minoti bilan bog‘liq muammolar muntazam takrorlanayotgani ko‘tarilib, tizimni joyiga chiqqan holda o‘rganish va zarur texnik choralarni ko‘rish so‘ralgan edi.

🔎 Toshkent shahar hokimligining rasmiy javobiga ko‘ra, deputatlik so‘rovi ijrosi doirasida mazkur ikki ko‘p qavatli uyning issiqlik tizimi mutaxassislar tomonidan joyiga chiqib atroflicha o‘rganilgan.

♨️ O‘rganishlar natijasida hududdagi markaziy issiqlik quvurlarini yer ostidan o‘tkazish choralari ko‘rilgan. Issiqlik ta’minoti bilan bog‘liq ishlar “VEOLIA ENERGY TASHKENT” XK Olmazor tumani boshqarmasi xodimlari tomonidan amalga oshirilib, aniqlangan kamchiliklar bartaraf etilgani ma’lum qilingan.

🛠 Shuningdek, ko‘p qavatli uyning yerto‘la qismidagi issiqlik bo‘g‘inlarini profilaktik ta’mirlash hamda bosim ostida yuvish ishlari ham amalga oshirilgani rasmiy javobda qayd etilgan.

✅ Shu tariqa, deputat Saidmurod Ibragimov tomonidan aholi murojaatlari asosida ko‘tarilgan issiqlik ta’minoti masalasi mutasaddi tashkilotlar ishtirokida o‘rganilib, mavjud kamchiliklarni bartaraf etish bo‘yicha amaliy ishlar bajarildi.

🤝 Mazkur ishlarning natijadorligi, xususan, “Yangi Toshkent” mahallasidagi ko‘p qavatli uylarni 2026/2027-yilgi kuz-qish mavsumida barqaror va me’yoriy issiqlik bilan ta’minlash masalasi deputat Saidmurod Ibragimov tomonidan nazorat qilib boriladi.

📱 Telegram 📱 Instagram 📱 Facebook 📱 YouTube 🔎 E-kengash