Xalq deputatlari Toyloq tuman Kengashining 23-Zarafshon saylov okrugi deputati Farhod Suyarov tomonidan tasdiqlangan dastur asosida tumandagi Bog‘izag‘on kanalining betonlash ishlari o‘rganildi.

O‘rganish davomida kanalning betonlash ishlari chala qolgan qismini davom ettirish uchun amalga oshirilayotgan tayyorgarlik jarayoni ko‘zdan kechirildi. Quruvchi mas’ullar bilan birgalikda ishlarni loyiha-smeta hujjatlari asosida, belgilangan texnik talablar va muddatlarga muvofiq sifatli yakunlash masalalari muhokama qilindi.

Shuningdek, qurilish jarayoniga xalaqit berayotgan daraxtlar bo‘yicha Ekologiya bo‘limi mas’ullari bilan hamkorlikda muammoni qonunchilik talablari asosida hal etish yuzasidan tegishli choralar belgilandi.

Aniqlangan kamchiliklarni bartaraf etish hamda ishlarni belgilangan muddatlarda yakunlash bo‘yicha mas’ullarga tegishli ko‘rsatma va tavsiyalar berildi.