Xalq deputatlari Toyloq tumani Kengashi kotibiyati bosh mutaxassisi Sh. G‘afforov tomonidan Toyloq tumani tibbiyot birlashmasining xo‘jalik ishlari bo‘yicha mas’ul xodimi M. O‘runov hamda qurilish bo‘limi mutaxassislari ishtirokida Navbahor mahallasidagi “Ispandi” oilaviy shifokorlik punkti binosida olib borilayotgan mukammal ta’mirlash ishlari o‘rganildi.
🔍Mazkur loyiha O‘zbekiston Respublikasi Prezidentining 2025-yil 27-dekabrdagi PQ–393-son qarori asosida 2 milliard so‘m mablag‘ evaziga amalga oshirilmoqda.
🔍O‘rganish davomida obyektda olib borilayotgan qurilish-montaj ishlarining amaldagi holati, bajarilgan ishlarning sifati hamda loyiha doirasida belgilangan vazifalarning ijrosi ko‘zdan kechirildi.
🔍Shuningdek, ta’mirlash ishlarining belgilangan muddatlardan ortda qolayotgani qayd etilib, mas’ullarga qurilish jarayonini jadallashtirish, ishlarni belgilangan talablar asosida sifatli tashkil etish hamda obyektni o‘z vaqtida foydalanishga topshirish yuzasidan tegishli ko‘rsatma va tavsiyalar berildi.
🔍Mazkur masala deputatlik nazoratiga olinib, ta’mirlash ishlarining belgilangan muddatlarda va sifatli yakunlanishi yuzasidan muntazam monitoring olib borilishi belgilandi.