47-SONLI MAKTABDA QURILISh IShLARI OLIB BORILMOQDA

🏫 Xalq deputatlari tuman Kengashining 2026 yil 1 apreldagi VII-22-30-8-110-K/26-sonli qaroriga muvofiq, «Openbudget.uz» rasmiy veb-sayti orqali o‘tkazilgan ovoz berish jarayonida 4 927 ta ovoz to‘plab, g‘olib deb topilgan «47-maktabga qo‘shimcha qurilish qilish ishlari» loyihasi doirasida amaliy ishlar olib borilmoqda.

💰 Mazkur loyihani amalga oshirish uchun Fuqarolar tashabbusi jamg‘armasi hisobidan 1 mlrd 600 mln so‘m mablag‘ ajratilgan.

🔎 Bugun xalq deputatlari viloyat Kengashi bosh mutaxassisi E. Isoqov, tuman Kengashi kotibiyati xodimlari hamda tuman Kengashi deputatlari ishtirokida maktabda olib borilayotgan qurilish ishlari joyiga chiqqan holda o‘rganildi.

✅ O‘rganish davomida qurilish ishlarining borishi, ajratilgan mablag‘larning maqsadli sarflanishi hamda ob’ektning belgilangan talablar asosida barpo etilishiga alohida e’tibor qaratildi.

🤝 Fuqarolar tashabbusi asosida amalga oshirilayotgan mazkur loyiha maktabda ta’lim olayotgan o‘quvchilar uchun qo‘shimcha va qulay sharoitlar yaratishga xizmat qiladi.