Bozordagi narx-navo — aholi turmush farovonligiga bevosita ta’sir qiladigan muhim masalalardan biri. Shu bois, aholining kundalik ehtiyojlari uchun zarur mahsulotlar narxlarining barqarorligi, bozordagi mahsulotlar yetarliligi hamda iste’molchilar uchun munosib sharoit yaratilishi deputatlar e’tiborida bo‘lib kelmoqda.
♻️Shu maqsadda Xalq deputatlari Jondor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi H.Karayeva hamda doimiy komissiya a’zolari tomonidan bozorda aholi iste’moli uchun eng zarur mahsulotlarning narx-navolari va yetarliligi holati joyiga chiqqan holda o‘rganildi.
♻️O‘rganish jarayonida kundalik ehtiyojdagi asosiy oziq-ovqat mahsulotlarining narxlari, savdo rastalaridagi mahsulotlar zaxirasi hamda aholi uchun yaratilgan sharoitlar ko‘zdan kechirildi.
♻️Shuningdek, sotuvchilar va xaridorlar bilan muloqot qilinib, ularning fikr va takliflari tinglandi.
♻️Aholi dasturxoni to‘kinligi, narxlar barqarorligi va iste’mol bozorida yetarlilikni ta’minlash — xalq deputatlari nazoratidagi muhim vazifalardan biridir.