#DEPUTAT_NAZORATI
#SPORT_INFRATUZILMASI
#BSK_ISLOHOTLARI
#24_TAVSIYA_IJROSI
SHAKARQISHLOQ MAHALLASIDA SPORT INSHOOTLARI VA KO‘P XONADONLI UYLARNI BOSHQARISH TIZIMI O‘RGANILDI
🏛 Xalq deputatlari Farg‘ona shahar Kengashi Kotibiyati mudiri Sh.Kamalov 5-Tinchlik saylov okrugi tarkibidagi “Shakarqishloq” mahalla fuqarolar yig‘inida bo‘lib, navbatdagi kompleks o‘rganish ishlarini o‘tkazdi.
🔹 O‘rganishlar Mahalliy Kengash deputatlari faoliyatining eng muhim yo‘nalishlari bo‘yicha ishlab chiqilgan 24 talik tavsiyalar ijrosini ta’minlash hamda hududiy muammolarni bartaraf etish maqsadida tashkil etildi.
🔹 Tavsiyalarning 3-bandi ijrosi yuzasidan mahallada aholi va bolalar uchun mavjud bo‘lgan sport inshootlari, bolalar o‘yingohlari hamda ularning texnik va xavfsizlik holati ko‘zdan kechirildi. Sport obyektlaridan samarali foydalanish va ularni doimiy soz holatda saqlash yuzasidan takliflar bildirildi.
🔹 Shuningdek, muloqot va ko‘rik davomida O‘zbekiston Respublikasi Prezidentining 2026-yil 5-fevraldagi “Ko‘p xonadonli uy-joylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-sonli qarori ijrosi atroflicha ko‘rib chiqildi. Hududga xizmat ko‘rsatuvchi Boshqaruv servis kompaniyalari (BSK) faoliyati, ko‘p qavatli uylarga ko‘rsatilayotgan xizmatlar sifati va aholi mamnunligi tahlil qilindi.
🔹 O‘rganishlar yakunida aniqlangan kamchiliklarni bartaraf etish hamda PQ-48-sonli qaror ijrosini o‘z vaqtida ta’minlash yuzasidan mas’ullarga tegishli amaliy topshiriq va ko‘rsatmalar berildi.
Ijro monitoringi shahar Kengashi Kotibiyati nazoratiga olindi.

Xalq deputatlari Farg‘ona shahar Kengashi
✅ Telegram |✅ Facebook | 📹 YouTube | 🌐 Instagram |🇺🇿 E-kengash.uz