24-TAVSIYA IJROSI O‘RGANILDI

Xalq deputatlari Angor tumani Kengashi 3-Gilambob saylov okrugi deputati Mavlonova Ra’no tomonidan hududdagi 13-sonli umumiy o‘rta ta’lim maktabida 24-tavsiya ijrosi yuzasidan o‘rganish olib borildi.

Mazkur o'rganishda xalq deputatlari tuman Kengashi kotibiyat mudiri M.Yarmatov ham ishtirok etdi.O‘rganish davomida maktabdagi sport zali, mavjud sport jihozlari va asbob-uskunalarning holati ko‘zdan kechirilib, ulardan o‘quvchilar uchun samarali foydalanish imkoniyatlari tahlil qilindi.

Shuningdek, ta’lim muassasasida tashkil etilgan tibbiyot burchagining holati, zarur dori-darmonlar bilan ta’minlanganligi hamda o‘quvchilarga tibbiy xizmat ko‘rsatish uchun yaratilgan sharoitlar o‘rganildi.

Ta’kidlash joizki, 13-sonli maktab o‘quvchilarining ta’limdagi yutuqlari ham e’tirof etilib, maktab tumandagi oliy ta’lim muassasalariga kirish ko‘rsatkichi bo‘yicha yuqori natijalarga erishib, tuman miqyosida 1-o‘rinni egallab kelayotgani qayd etildi.