Xalq deputatlari Qo‘qon shahar Kengashiga 9-“Shaldiramoq” saylov okrugidan saylangan deputat F.Qaxxarova tomonidan “Kalvak guzari” mahalla fuqarolar yig‘inida fuqarolar qabuli o‘tkazildi.

Mazkur qabulni tashkil etishda Xalq deputatlari Qo‘qon shahar Kengashi bosh mutaxassislari X.Abdullayev va A.Adhamovlar tomonidan amaliy ko‘mak ko‘rsatildi.

Qabul davomida Qo‘qon shahar “Kalvak” mahalla fuqarolar yig‘ini Bahmalbof ko‘chasi 160-uyda yashovchi fuqaro Baratova Mohlarhon oilaviy tadbirkorlik faoliyatini yo‘lga qo‘yish maqsadida imtiyozli kredit ajratilishida amaliy yordam so‘rab murojaat qildi.

Murojaat yuzasidan fuqaroning tadbirkorlik faoliyatini boshlash bo‘yicha imkoniyatlari o‘rganilib, uni qo‘llab-quvvatlash masalasi mahalla mutasaddilari bilan muhokama qilindi.

Natijada “Mahalla yettiligi” hamda hokim yordamchisi X.Zokirov tomonidan fuqaro Baratova Mohlarhonga imtiyozli kredit ajratilishi yuzasidan tavsiyanoma berildi.

Shu tariqa, fuqarolarning tadbirkorlik tashabbuslarini qo‘llab-quvvatlash, ularni daromad manbai bilan ta’minlash hamda oilaviy tadbirkorlikni rivojlantirish borasidagi murojaatga amaliy ko‘mak ko‘rsatildi.

Xalq deputatlari Qo‘qon shahar Kengashi