Xalq deputatlari Bekobod shahar kengashi Mahalliy byudjet, tadbirkorlikni rivojlantirish va qtisodiy islohotlari bo‘yicha doimiy komissiya a’zolari va O‘zXDP shahar kengashi raisi J.Artiqbayev bilan hamkorlikda Bekobod shahrida “Fuqarolar tashabbusi jamg‘armasi”da 2026-yil 2-mavsum g‘olib loyihalari o‘rganildi. Jumladan, Bekobod shahar “Metallurg” MFYning 8 ta ko‘chalariga asfalt yotqizish ishlari o‘rganildi. Mahalliy aholi vakillari bilan suhbat jarayonida mahalla hududida ichimlik suvi quvurlari bir necha yil oldin yotqizilganligi sababli asfalt qilish oldidan suv quvurlarini texnik holatini o‘rganib chiqish lozimligi yuzasidan o‘z fikrlarini bildirdilar. Ushbu masala yuzasidan tezkorlik bilan “Bekobod suv oqava” filiali mutasaddilariga murojaat etildi. Tashabbusli byudjet loyihasini sifatli amalga oshirish yuzasidan jamoatchilik va deputatlik nazorati o‘rnatildi.