Xalq deputatlari Angor tumani Kengashi 17-Yangi hayot saylov okrugi deputati Sadatov Mustafo Mengliyevich tomonidan hududda hokim yordamchisining faoliyati o‘rganildi.

O‘rganish davomida hokim yordamchisi tomonidan aholi bandligini ta’minlash, tadbirkorlikni rivojlantirish, fuqarolarning daromadlarini oshirish, ishsiz va ijtimoiy ko‘makka muhtoj fuqarolar bilan ishlash borasida amalga oshirilayotgan ishlar tahlil qilindi.

Shuningdek, hududdagi mavjud muammolar, fuqarolarning murojaatlari hamda ularni hal etish bo‘yicha ko‘rilayotgan choralar yuzasidan tegishli ma’lumotlar o‘rganildi.

Mazkur jarayonda Xalq deputatlari Angor tumani Kengashi kotibiyati bosh mutaxassisi M. Choriyeva ham ishtirok etdi.

O‘rganish yakunlari bo‘yicha aniqlangan masalalarni bartaraf etish, aholi bilan ishlash samaradorligini yanada oshirish hamda belgilangan vazifalarning ijrosini ta’minlash yuzasidan tegishli tavsiyalar berildi.