O‘zbekiston Respublikasi Oliy Majlisi Senati tomonidan belgilangan 24 ta muhim tavsiyaning ijrosini ta’minlash maqsadida 12-Ipoq saylov okrugidan saylangan xalq deputatlari tuman Kengashi deputati Xudayberdiyev Umidullo Bokiyevichning saylov okrugida o‘rganish ishlari amalga oshirildi. 

O‘rganish jarayonida mahalladagi hokim yordamchisi tomonidan aholi bandligini ta’minlash, tadbirkorlikni rivojlantirish, ijtimoiy himoyaga muhtoj fuqarolarni qo‘llab-quvvatlash hamda boshqa ustuvor yo‘nalishlarda olib borilayotgan ishlar deputatlik nazorati tartibida tahlil qilindi. 

Mazkur o‘rganish tadbirida xalq deputatlari tuman Kengashi kotibiyati mudiri M.Xo‘janov, xalq deputatlari tuman
Kengashi deputati, O‘zMTDP tuman Kengashi raisi A.Mamatmuratov, O‘zEP tuman Kengashi raisi B.Eshanqulova hamda tuman Kengashi kotibiyatining bosh mutaxassislari ishtirok etdilar. 

O‘rganish yakunlari bo‘yicha aniqlangan holatlar yuzasidan tegishli taklif va tavsiyalar ishlab chiqilib, belgilangan vazifalarning o‘z vaqtida va sifatli ijrosini ta’minlash yuzasidan mas’ullarga tegishli ko‘rsatmalar berildi.