Xalq deputatlari Bekobod shahar kengashi 10- “Sirdaryo” saylov okrugi deputati O‘z MTDP a’zosi S.Ergasheva kotibiyat bosh mutaxassisi U.Abdunazarov bilan birgalikda “Sirdaryo” mahallasida aholi vakillari bilan uchrashib, Xalq deputatlari shahar kengashining navbatdagi sessiya kun tartibiga kiritilgan masalalar bilan tanishtirib,
muhokama qildilar. Jumladan, shahar IIB boshlig‘ining huquqbuzarlik va jinoyatchilikni oldini olish, shahar Soliq inspeksiyasi rahbarining mahalliy byudjet daromadlar qismini ijrosi to‘g‘risidagi masalalar yuzasidan axborot berildi. O‘z navbatida fuqarolar tomonidan o‘z munosabatlarini bildirib o‘tdilar. Mahalla profilaktika inspektori tomonidan tungi reydlarni kuchaytirish, tungi vaqtlarda besabab yurgan shaxslarni aniqlab, tegishli xulosalar chiqarish yuzasidan takliflar kiritildi. Deputat tomonidan fuqarolardan tushgan murojaat ko‘chama ko‘cha yurish daftariga qayd etildi va ko‘taligan masala ijrosi nazoratga olindi.