Xalq deputatlari Paxtakor tumani Kengashi kotibiyati mudiri K.Mamanova o‘z xizmat xonasida fuqaroni qabul qilib, yo‘l infratuzilmasi bilan bog‘liq murojaatini tingladi.

Qabul davomida murojaatchi yashash hududidagi ichki yo‘lning ta’mirtalab holga kelgani, bu esa aholi va transport vositalari harakatida noqulayliklar tug‘dirayotganini ma’lum qildi. Mazkur murojaat yuzasidan batafsil suhbat o‘tkazilib, muammoning holati atroflicha o‘rganildi.

Murojaatni ijobiy hal etish maqsadida mas’ul tashkilotlar bilan hamkorlikda zarur choralar ko‘rilishini, masala amaldagi tartib asosida ko‘rib chiqilib, ijrosi nazoratga olinishini ta’kidladi.

Fuqarolar murojaatlariga o‘z vaqtida e’tibor qaratish, hududlarda mavjud muammolarni aniqlash va ularni bosqichma-bosqich bartaraf etish borasidagi ishlar izchil davom ettirilmoqda.