“Binokor” mahallasida mahalla yettiligi faoliyati va normativ-huquqiy hujjatlar ijrosi yuzasidan o‘rganish ishlari olib borildi

Xalq deputatlari Navoiy shahar Kengashi kotibiyat mudiri Jo‘rabek Hafizov Navoiy shahridagi “Binokor” mahallasida mahalla yettiligi vakillari bilan uchrashuv o‘tkazdi.

Uchrashuv davomida mahallada amalga oshirilayotgan ishlar, aholi murojaatlari bilan ishlash tizimi, hududni ijtimoiy-iqtisodiy rivojlantirishga qaratilgan chora-tadbirlar hamda dolzarb masalalar atroflicha muhokama qilindi.

Shuningdek, o‘rganish jarayonida “mahalla yettiligi” faoliyati O‘zbekiston Respublikasi Prezidentining PF–82 Farmoni, PF–258 Farmoni, PF–163 Farmoni va PF–209 Farmoni, shuningdek PQ–267 Qarori hamda Vazirlar Mahkamasining VM 312-Qarori, VM 313-Qarori va VM 35-Qarori ijrosi yuzasidan atroflicha tahlil qilindi.

Tahlil jarayonida mahalla raisi, hokim yordamchisi, yoshlar yetakchisi, xotin-qizlar faoli hamda ijtimoiy xodim tomonidan amalga oshirilayotgan ishlar ko‘rib chiqildi. Aholi muammolarini aniqlash, ularni hal etish hamda murojaatlar bilan ishlash bo‘yicha olib borilayotgan faoliyat samaradorligi alohida baholandi.

Ta’kidlanganidek, mahalla tizimida fuqarolar bilan yaqin hamkorlikni kuchaytirish, ijtimoiy muammolarni o‘z vaqtida aniqlash va ularni samarali hal etish muhim ahamiyat kasb etadi.

Uchrashuv yakunida mahalla faoliyatini yanada takomillashtirish, belgilangan vazifalar ijrosini samarali ta’minlash hamda idoralararo hamkorlikni kuchaytirish yuzasidan tegishli tavsiyalar berildi.