Xalq deputatlari Navoiy shahar Kengashi deputati “Ishonch” mahallasida hokim yordamchisi faoliyati bilan tanishdi

Xalq deputatlari Navoiy shahar Kengashi deputati “Ishonch” mahallasida bo‘lib, hokim yordamchisi tomonidan olib borilayotgan amaliy ishlar, aholi bilan ishlash jarayonlari hamda ijtimoiy-iqtisodiy masalalarni hal etish bo‘yicha amalga oshirilayotgan faoliyat bilan yaqindan tanishdi.

Tashrif davomida mahallada infratuzilmani yanada rivojlantirish, aholi murojaatlarini tezkor va samarali hal etish, shuningdek, ijtimoiy himoyaga muhtoj oilalar bilan manzilli ishlash bo‘yicha amalga oshirilayotgan chora-tadbirlar muhokama qilindi.

Deputat hokim yordamchisining mahallada fuqarolar bilan doimiy muloqot o‘rnatgani, ularning muammolarini tizimli o‘rganib borayotgani hamda mavjud masalalarni hal etishda faol ishtirok etayotganini alohida ta’kidladi.

Shuningdek, ish samaradorligini oshirish, aholi bilan ishlashning yangi yondashuvlarini joriy etish hamda mahallada ijtimoiy muhitni yanada barqarorlashtirish yuzasidan taklif va tavsiyalar berildi.

Tashrif yakunida mahalla faoliyatini yanada takomillashtirish hamda hamkorlikni kuchaytirish bo‘yicha kelishuvlarga erishildi.