Xalq deputatlari Jalaquduq tuman Kengashi deputati O.Xolmurodova fuqarolar murojaatlari bilan ishlash, ularning yashash sharoitlarini yaxshilash va hududdagi mavjud muammolarni bartaraf etish maqsadida “Qo‘shterak” mahalla
fuqarolar yig‘inida bo‘ldi. Uchrashuv va o‘rganishlar davomida mahalla ahli tomonidan bir qator dolzarb
masalalar o‘rtaga tashlandi. "Xalq vakilining asosiy vazifasi — saylovchilar ishonchini oqlash, ularning dardu tashvishlari bilan yashashdir. Mahalladoshlarimiz tomonidan bildirilgan har bir murojaat e’tibordan chetda qolmaydi," — deydi deputat O.Xolmurodova. O‘rganish davomida kelib tushgan murojaatlarning ma’lum qismi joyida hal etilgan bo‘lsa, vaqt va mablag‘ talab qiladigan masalalar bo‘yicha tegishli tashkilotlarga tuman mas’ullarini jalb etgan holda chora-tadbirlar belgilash kelishib olindi. Ijro nazorati deputatning shaxsiy e’tiborida bo‘ladi.