Xalq deputatlari Ishtixon tuman Kengashi kotibiyati mudiri N.Kiyamov, tuman Kengashi deputatlari M.Raximov va G.Safarova Ishtixon tumanidagi 15-son oilaviy poliklinikada amalga oshirilayotgan qurilish ishlari bilan tanishdi.

O‘rganish davomida mavjud 50 qatnovga mo‘ljallangan oilaviy poliklinika o‘rnida 1-tip oilaviy poliklinika talablari asosida yangi 50 qatnovli bino qurilishi jarayoni ko‘zdan kechirildi. Qurilish ishlari sifati, obyektning loyiha talablari asosida amalga oshirilishi hamda belgilangan muddatlarda foydalanishga topshirilishi masalalariga alohida e’tibor qaratildi.

Ta’kidlanganidek, mazkur loyiha hudud aholisiga ko‘rsatilayotgan birlamchi tibbiy xizmatlar sifatini oshirish, zamonaviy diagnostika va davolash xizmatlarini yo‘lga qo‘yish, shuningdek, tibbiyot xodimlari hamda fuqarolar uchun qulay sharoitlar yaratishga xizmat qiladi.

Yangi binoning foydalanishga topshirilishi natijasida poliklinikaning moddiy-texnik bazasi mustahkamlanib, aholiga tibbiy xizmat ko‘rsatish imkoniyatlari yanada kengayadi.

✅ Tibbiyot muassasalari infratuzilmasini rivojlantirish va aholiga sifatli tibbiy xizmat ko‘rsatish bo‘yicha amalga oshirilayotgan bunyodkorlik ishlari izchil davom etmoqda.

Bizni ijtimoiy tarmoqlarda kuzating:
Telegramm | Web-sayt | Facebook | Instagram