Xalq deputatlari Ishtixon tuman Kengashi raisi Z.Naxalov, Ishtixon tumani hokimi o‘rinbosari – tuman Obodonlashtirish boshqarmasi boshlig‘i S.Ochilov bilan birgalikda Qayirma mahallasida tadbirkorlar tashabbusi bilan barpo etilayotgan “Yoshlar guzari - kasbga o‘rgatish markazi” qurilish ishlari bilan tanishdi.

Mazkur markaz yoshlarning bo‘sh vaqtini mazmunli tashkil etish, ularni zamonaviy kasb-hunarlarga o‘qitish, bandligini ta’minlash hamda tadbirkorlikka qiziqishini oshirishga xizmat qiladi. Ayniqsa, tumanning olis hududlarida istiqomat qilayotgan yoshlar uchun kasb o‘rganish imkoniyatlarining yaratilayotgani muhim ahamiyat kasb etadi.

Bugungi kunda yurtimizda yoshlarni qo‘llab-quvvatlash, ularning bilim olishi, kasb egallashi va o‘z salohiyatini ro‘yobga chiqarishi uchun keng imkoniyatlar yaratilmoqda. Qayirma mahallasida bunyod etilayotgan ushbu markaz ham ana shu ezgu maqsadlarning amaliy ifodasi hisoblanadi.
Qurilish jarayonida obyektning sifatli va belgilangan muddatlarda foydalanishga topshirilishi yuzasidan mas’ullarga tegishli tavsiyalar berildi.

✅ Yoshlarning kelajagiga qaratilgan bunday loyihalar mahallalar rivoji, bandlikni ta’minlash va hududning ijtimoiy faolligini oshirishga xizmat qiladi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram