Uchrashuvning asosiy maqsadi hududdagi mavjud muammolarni o‘rganish, aholi fikr va takliflarini tinglash hamda ularning yechimi yuzasidan amaliy choralarni belgilashdan iborat bo‘ldi.

Muloqot jarayonida mahalladagi yo‘l, kommunal xizmatlar, obodonlashtirish, ijtimoiy soha va fuqarolar murojaatlari bilan bog‘liq masalalar muhokama qilindi. Shuningdek, deputatlarning hududlarda olib borayotgan ishlari, saylovchilar bilan ishlash tizimi va mahallalarni rivojlantirish bo‘yicha amalga oshirilayotgan chora-tadbirlar haqida ma’lumot berildi.

Mahalla faollari tomonidan ilgari surilgan takliflar va ko‘tarilgan muammolar atroflicha ko‘rib chiqilib, ularni hal etishda tegishli tashkilotlar hamda deputatlar bilan hamkorlikni yanada kuchaytirish zarurligi qayd etildi.

Bildirilgan barcha taklif va murojaatlar nazoratga olinib, ularning ijrosini ta’minlash yuzasidan kelishuvlarga erishildi.

Aholi bilan bevosita muloqot qilish, ularning fikrini eshitish va muammolariga yechim topish — hududlar taraqqiyoti hamda fuqarolar manfaatlarini ta’minlashning muhim shartidir.