Shahar rahbari mahalla ichki yoʻllarini yangidan asfaltlash jarayonlarini koʻzdan kechirib, olib borilayotgan ishlarning sifati, qurilish meʼyorlariga rioya etilishi hamda belgilangan muddatlarda yakunlanishiga alohida eʼtibor qaratdi.

Oʻrganish davomida yoʻl infratuzilmasini yanada yaxshilash, piyodalar uchun qulayliklar yaratish, hududning sanitariya holatini yaxshilash va obodonlashtirish ishlarini jadallashtirish masalalari muhokama qilindi.

Shuningdek, mahallada yashovchi fuqarolar uchun qulay va xavfsiz yashash muhitini yaratish, ko‘kalamzorlashtirish ishlarini kengaytirish hamda infratuzilma obyektlarini zamonaviy talablar asosida rivojlantirish bo‘yicha mutasaddilarga tegishli topshiriqlar berildi.

Doʻstlik mahallasida olib borilayotgan bunyodkorlik ishlari hudud qiyofasini yanada obod etish, aholi turmush farovonligini oshirish va qulay yashash sharoitlarini yaratishga xizmat qilmoqda.

Mahallalarni obodonlashtirish va infratuzilmasini rivojlantirish borasidagi ishlar izchil davom ettirilmoqda.