Uchrashuv davomida fuqarolarni qiynab kelayotgan muammolar, ularning taklif va murojaatlari tinglandi. Shuningdek, ayrim xonadonlarga kirilib, aholining yashash sharoiti hamda mavjud muammolari joyiga chiqqan holda o‘rganildi.

O‘rganishlar jarayonida ba’zi xonadonlarda bir uyda ikki yoki uch oila istiqomat qilayotgani, bu esa turli ijtimoiy va maishiy muammolarni keltirib chiqarayotgani qayd etildi.

Shu bilan birga, ayrim fuqarolarning uy-joy hujjatlari bilan bog‘liq masalalari mavjudligi aniqlanib, ularni qonunchilik talablariga muvofiq rasmiylashtirish va hujjatlardagi kamchiliklarni bartaraf etish yuzasidan tegishli tavsiya hamda tushuntirishlar berildi.

Uchrashuv yakunida fuqarolar tomonidan ko‘tarilgan masalalarni bosqichma-bosqich hal etish va ularning qonuniy yechimlarini topish yuzasidan tegishli vazifalar belgilab olindi.