Xalq deputatlari Ishtixon tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Unda yoshlar uchun yozgi ta’til davrini mazmunli va samarali tashkil etishga qaratilgan “Dolzarb 90 kun” dasturining ijrosi, amalga oshiriladigan tadbirlar hamda kutilayotgan natijalar muhokama qilindi.

Ta’kidlanganidek, joriy yil yoz mavsumida tumanning 62 ta mahallasi, 98 ta umumta’lim maktabi, “Kelajak markazi”, texnikumlar hamda madaniyat va sport muassasalarida yoshlarning bo‘sh vaqtini mazmunli tashkil etishga qaratilgan keng qamrovli tadbirlar o‘tkaziladi.

Yig‘ilish davomida dastur doirasida yoshlar bandligini ta’minlash, ularni kasb-hunarga o‘rgatish, sport va madaniy tadbirlarga keng jalb etish bo‘yicha mas’ul tashkilotlarning vazifalari belgilab olindi.

Muhokama yakunida mazkur masalani Xalq deputatlari Ishtixon tumani Kengashining navbatdagi sessiyasi muhokamasiga kiritish yuzasidan tegishli qaror qabul qilindi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram