Xalq deputatlari Ishtixon tumani Kengashi deputati Samo Nizomovich Abdug‘aniyev tomonidan Ishtixon tumani Iqtisodiyot va moliya bo‘limi boshlig‘ining birinchi o‘rinbosari A. Shoniyazovaga deputat so‘rovi yuborildi.

Deputat so‘rovida O‘zbekiston Respublikasining “Kreativ iqtisodiyot to‘g‘risida”gi Qonuni ijrosi doirasida hududda kreativ iqtisodiyot sohasidagi dasturlarni ishlab chiqish hamda ularni Xalq deputatlari Ishtixon tumani Kengashi tasdig‘iga kiritish bo‘yicha amalga oshirilayotgan ishlar yuzasidan ma’lumot taqdim etish so‘ralgan.

Shuningdek, kreativ industriya yo‘nalishlarini rivojlantirish, innovatsion va intellektual faoliyatni qo‘llab-quvvatlash, yoshlarning ijodiy salohiyatini ro‘yobga chiqarish, yangi ish o‘rinlarini yaratish hamda hududning kreativ iqtisodiy salohiyatini oshirish bo‘yicha ishlab chiqilgan yo‘l xaritasi va chora-tadbirlar rejasi yuzasidan asoslantirilgan tushuntirish berish talabi ilgari surilgan.

📍 Deputat so‘rovida quyidagi masalalarga alohida e’tibor qaratilgan:
✅ Kreativ iqtisodiyot bo‘yicha hududiy dastur ishlab chiqilishi;
✅ Kreativ industriya subyektlarini qo‘llab-quvvatlash;
✅ Innovatsion va intellektual faoliyatni rivojlantirish;
✅ Yoshlar va tadbirkorlarning ijodiy tashabbuslarini rag‘batlantirish;
✅ Yangi ish o‘rinlari yaratish va investitsiyalarni jalb etish;
✅ Kreativ iqtisodiyot sohasida qonun hujjatlari ijrosini ta’minlash.

📌 Mazkur masalaning ijrosi hamda natijadorligi deputatlik va jamoatchilik nazoratida bo‘ladi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram