Xalq deputatlari Ishtixon tumani Kengashi deputati Shaxlo Normamatovna Mardanova tomonidan Ishtixon tumani Sog‘liqni saqlash bo‘limi boshlig‘iga deputat so‘rovi yuborildi.

Mazkur deputat so‘rovida O‘zbekiston Respublikasining “Yod yetishmasligi kasalliklari profilaktikasi to‘g‘risida”gi Qonuni ijrosi doirasida hududiy dasturlarni ishlab chiqish va ularni Xalq deputatlari mahalliy Kengashlari tasdig‘iga kiritish bo‘yicha amalga oshirilayotgan ishlar yuzasidan ma’lumot taqdim etish so‘ralgan.

Shuningdek, aholi o‘rtasida yod yetishmasligi bilan bog‘liq kasalliklarning oldini olish, sog‘lom ovqatlanish madaniyatini shakllantirish hamda profilaktik tadbirlarni tizimli tashkil etish bo‘yicha ishlab chiqilgan yo‘l xaritasi, chora-tadbirlar rejasi va rejalashtirilayotgan ishlar yuzasidan asoslantirilgan tushuntirish berish talabi ilgari surilgan.

Deputat so‘rovi qonun hujjatlarida belgilangan tartibda ko‘rib chiqilishi hamda natijalari yuzasidan belgilangan muddatlarda javob taqdim etilishi nazoratga olingan.

✅ Fuqarolar salomatligini muhofaza qilish, kasalliklarning oldini olish va sog‘lom turmush tarzini targ‘ib etish masalalari deputatlik nazoratining muhim yo‘nalishlaridan biri hisoblanadi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram