Xalq deputatlari Qo‘qon shahar Kengashi huzuridagi Ekspertlar va Yoshlar maslahat guruhi a’zolari ishtirokida yig‘ilish bo‘lib o‘tdi. Tadbir Qo‘qon shahridagi “Nuroniylar maskani” xududida tashkil etildi.

Yig‘ilish davomida Xalq deputatlari Qo‘qon shahar Kengashi sessiyalari va doimiy komissiyalari faoliyati, Kengash tomonidan qabul qilinayotgan qarorlarning mazmun-mohiyati hamda ularning amaliy ahamiyati yuzasidan fikr almashildi.

Ishtirokchilar tomonidan shaharni ijtimoiy-iqtisodiy rivojlantirish, aholi murojaatlari bilan ishlash, yoshlar masalalariga oid tashabbuslarni qo‘llab-quvvatlash hamda Kengash faoliyati samaradorligini oshirishga qaratilgan qator taklif va tavsiyalar bildirildi.

Bildirilgan fikr-mulohazalar va tavsiyalar kelgusida Kengash faoliyatini yanada takomillashtirish hamda jamoatchilik bilan samarali hamkorlikni kuchaytirishda muhim ahamiyat kasb etishi ta’kidlandi.

Yig‘ilish ochiq muloqot va konstruktiv fikrlar almashinuvi ruhida o‘tdi.

Xalq deputatlari Qo‘qon shahar Kengashi