Xalq deputatlari Qo‘qon shahar Kengashining navbatdagi sessiyasi kun tartibiga kiritilgan “Dolzarb 90 kunlik” dasturini tasdiqlash to‘g‘risidagi masala yuzasidan shahar Kengashi deputati Sh.Xasanova tomonidan Qo‘qon shahar 27-umumta’lim maktabida o‘quvchilarning yozgi ta’til davrini mazmunli tashkil etish bo‘yicha amalga oshirilayotgan ishlar o‘rganildi.

O‘rganish davomida maktabda yoshlarning bo‘sh vaqtini samarali tashkil etish, ularning bilim va ko‘nikmalarini oshirishga qaratilgan mashg‘ulotlar bilan yaqindan tanishildi.

Xususan, ingliz tili o‘qituvchisi X.Ortiqov tomonidan “Dolzarb 90 kunlik” dasturi doirasida haftaning dushanba, chorshanba va juma kunlari o‘quvchilarga ingliz tili bo‘yicha qo‘shimcha mashg‘ulotlar o‘tkazilayotgani, yoshlarning chet tillarini o‘rganishga bo‘lgan qiziqishini oshirishga alohida e’tibor qaratilayotgani qayd etildi.

Shuningdek, maktabda 2026–2027-o‘quv yili uchun 1-sinfga qabul jarayonlari ham faol olib borilmoqda. O‘rganish davomida maktab direktori F.Tuxtaboyeva tomonidan maktab yoshiga yetgan bolalar bilan suhbatlar o‘tkazilib, ularning maktab ta’limiga tayyorgarlik darajasi va qiziqishlari o‘rganilayotgani ma’lum qilindi.

Deputat tomonidan ta’lim muassasasida o‘quvchilarning yozgi ta’tilini mazmunli tashkil etish, ularni bilim olishga keng jalb etish hamda yangi o‘quv yiliga puxta tayyorgarlik ko‘rish borasida amalga oshirilayotgan ishlar ijobiy baholandi.

Xalq deputatlari Qo‘qon shahar Kengashi