“Oilaviy tadbirkorlik to‘g‘risida”gi Qonun ijrosi o‘rganildi

✍ Xalq deputatlari tuman Kengashi deputati J.Choriyev tomonidan AT “Xalq banki” Boysun bank xizmatlari markazida O‘zbekiston Respublikasining 2012 yil 26 apreldagi “Oilaviy tadbirkorlik to‘g‘risida”gi O‘RQ–327-son Qonuni ijrosi yuzasidan o‘rganish ishlari olib borildi. Mazkur Qonun oila a’zolari tomonidan amalga oshiriladigan tadbirkorlik faoliyatini huquqiy jihatdan tartibga solish, aholi bandligini ta’minlash hamda oilalar daromadini oshirishga qaratilgan.

✍ O‘rganish jarayonida bank tomonidan oilaviy tadbirkorlik sub’ektlarini moliyaviy qo‘llab-quvvatlash, imtiyozli kreditlar ajratish, aholiga bank xizmatlarini ko‘rsatish hamda tadbirkorlarning murojaatlari bilan ishlash holati tahlil qilindi.

✍ Shuningdek, oilaviy tadbirkorlikni rivojlantirishga doir davlat dasturlari doirasida ajratilayotgan mablag‘larning manzilliligi, kredit mablag‘laridan samarali foydalanish va yangi ish o‘rinlari yaratish bo‘yicha amalga oshirilayotgan ishlar yuzasidan mas’ul xodimlar bilan muloqot o‘tkazildi.

✍ O‘rganish yakunida aniqlangan ayrim kamchiliklarni bartaraf etish, aholiga qulay va sifatli bank xizmatlarini ko‘rsatish hamda oilaviy tadbirkorlik sub’ektlarini qo‘llab-quvvatlash choralarini yanada kuchaytirish bo‘yicha tegishli tavsiyalar berildi.

✍ Bunday o‘rganishlar hududlarda tadbirkorlik muhitini yaxshilash, aholi bandligini ta’minlash va oilalar farovonligini oshirishga xizmat qiladi.