Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy tiklanish” demokratik partiyasidan saylangan deputat F. Axmeov tomonidan tuman Ekologiya va atrof-muhitni muhofaza qilish inspeksiyasining olib borayotgan ishlari o‘rganildi.

🔺O‘rganish davomida inspeksiya tomonidan atrof-muhitni muhofaza qilish, tabiiy resurslardan oqilona foydalanish, chiqindilar bilan bog‘liq munosabatlarni tartibga solish, noqonuniy chiqindi tashlash holatlarining oldini olish hamda aholi o‘rtasida ekologik madaniyatni yuksaltirish bo‘yicha amalga oshirilayotgan ishlar tahlil qilindi.

🔺Inspeksiya mas’ullari bilan bo‘lib o‘tgan suhbatda joriy yilda chiqindilarni belgilanmagan joylarga tashlash, yashil hududlarni muhofaza qilish, daraxtlarni noqonuniy kesish holatlari bo‘yicha 400 dan ziyod reydlar o‘tkazilib 367 ta ekologik huquqbuzarliklar aniqlanganligi va ishlar sudlarga oshirilganligi va tabiatga yetkazilgan zararlarni to‘liq qoplanganligi ma’lum qilindi.

🔺Monitoring jarayonida aholidan 200 dan ortiq murojaatlar kelib tushganligi va qayd etilgan ekologik muammolar mahalliy davlat hokimiyati organlari va boshqa mutasaddi tashkilotlar bilan hamkorlik hal etilganligiga alohida e’tibor qaratildi.

🔺Shu bilan birga, inspeksiya faoliyatida hujjatlarni yuritish, profilaktik tadbirlarni kuchaytirish, aholi va tadbirkorlik subyektlari o‘rtasida ekologik qonunchilik talablari bo‘yicha tushuntirish ishlarini yanada faollashtirish yuzasidan taklif va tavsiyalar bildirildi.