Mahalla yettiligi bilan navbatdagi uchrashuv o‘tkazildi

🇺🇿 O‘zbekiston Respublikasi Oliy Majlisi Qonunchilik palatasi deputati Durbek Axmedov Uchtepa tumanidagi Birlik mahalla fuqarolar yig‘inida mahalla yettiligi vakillari bilan navbatdagi uchrashuv bo'lib o‘tdi.

💬 Tadbir davomida yaqinda foydalanishga topshirilgan yangi mahalla binosi faoliyati, aholi murojaatlari bilan ishlash, hududdagi ijtimoiy muammolarni bartaraf etish hamda mahallada tinchlik va osoyishtalikni ta’minlash masalalari muhokama qilindi.

🇺🇿 Ushbu uchrashuvda Uchtepa tumani Ekologiya bo‘limi boshlig‘i Xojakbar Miraxmedov, tuman Kengashi kotibiyati mudiri Anvar Usmanov, kotibiyat bosh mutaxassisi Zarnigor Kuziyeva hamda okrug deputati Saodat Malikova ishtirok etdi.

🗂 Muloqot davomida mahallalarni rivojlantirish, aholi farovonligini oshirish, yoshlar va xotin-qizlarni qo‘llab-quvvatlash, jinoyatchilik va huquqbuzarliklarning oldini olish, fuqarolar uchun xavfsiz muhit yaratish masalalariga alohida e’tibor qaratildi. Shuningdek, O‘zbekiston Respublikasi Prezidentining PQ–209-son qarori mazmun-mohiyati yuzasidan tushuntirishlar berilib, mahallalarda ijtimoiy profilaktika tizimini kuchaytirish bo‘yicha amalga oshirilayotgan ishlar muhokama qilindi.

🔼 Uchrashuv yakunida hududdagi mavjud masalalarni tegishli tashkilotlar bilan hamkorlikda hal etish, aholi manfaatlarini ta’minlash va mahalla tizimi samaradorligini yanada oshirish yuzasidan kelgusidagi vazifalar belgilab olindi.