Doimiy komissiyaning navbatdagi yig‘ilishi
bo‘lib o‘tdi 

Bugun Xalq deputatlari Qo‘shko‘pir tuman Kengashining Mahalliy budjet,
tadbirkorlikni rivojlantirish va iqtisodiy islohotlar masalalari bo‘yicha
doimiy komissiyasining navbatdagi yig‘ilishi bo‘lib o‘tdi. 

Yig‘ilishda mamlakatimizda amalga oshirilayotgan keng ko‘lamli islohotlar
hamda hududlarni kompleks rivojlantirish bo‘yicha belgilangan vazifalarning
ijrosi yuzasidan muhim masalalar ko‘rib chiqildi. 

Jumladan, Qo‘shko‘pir tumanida O‘zbekiston Respublikasi Prezidentining
2024-yil 29-noyabrdagi “Xorazm viloyatini kompleks ijtimoiy-iqtisodiy
rivojlantirishni jadallashtirish bo‘yicha qo‘shimcha chora-tadbirlari
to‘g‘risida”gi PQ-410-son qarori ijrosini ta’minlash borasida amalga
oshirilayotgan ishlar tahlil qilindi. 

Shuningdek, Qo‘shko‘pir tumani budjetining qo‘shimcha manbalari hisobidan mablag‘larni
maqsadli yo‘naltirish, “Infratuzilma va ijtimoiy barqarorlik” jamg‘armasi mablag‘laridan
samarali foydalanish hamda “Yoshlar daftari” jamg‘armasi hisobidan yoshlarni qo‘llab-quvvatlashga
qaratilgan loyihalarni moliyalashtirish masalalari muhokama qilindi. 

Muhokamalar davomida deputatlar tomonidan ajratilayotgan mablag‘larning manzilli
va samarali sarflanishini ta’minlash, amalga oshirilayotgan islohotlar natijadorligini
oshirish hamda aholi farovonligini yuksaltirish yuzasidan qator taklif va tavsiyalar
bildirildi va tegishli qarorlar qabul qilindi.