Jumladan, Marg‘ilon shahar Z.M.Bobur mahalla fuqarolar yig‘inining yashovchi fuqaro Y.Xolbekova tomonidan bildirilgan murojaat yuzasidan mutasaddi tashkilotlar vakillari, mahalla faollari hamda nuroniylar ishtirokida o‘rganish olib borildi.

Oʻrganishda Marg‘ilon shahar Nuroniylar kengashi raisi S.Toshpo‘latov, Marg‘ilon shahar Kadastr palatasi bo‘limi boshlig‘i P.Qo‘chqorov, Z.M.Bobur MFY raisi J.Qodirov, faol nuroniylar hamda xonadon vakillari ishtirok etdi.
O‘rganish davomida murojaatda ko‘tarilgan masala yuzasidan mavjud holat joyida ko‘zdan kechirilib, tomonlarning fikr va mulohazalari tinglandi.

Shuningdek, amaldagi qonunchilik hujjatlari talablari asosida har ikki tomonga batafsil huquqiy tushuntirishlar berildi hamda masalani qonuniy tartibda hal etish bo‘yicha tavsiyalar bildirildi.
Murojaatda qayd etilgan masala yuzasidan tegishli tartibda ishlarni davom ettirish, manfaatdor tomonlar bilan hamkorlikda yechim topish hamda fuqarolarning qonuniy huquq va manfaatlarini ta’minlash bo‘yicha zarur choralar belgilab olindi.

Fuqarolardan kelib tushayotgan murojaatlarni o‘z vaqtida ko‘rib chiqish, ularning mazmun-mohiyatini joyiga chiqib o‘rganish va amaliy yechim topishga qaratilgan ishlar davom ettirilmoqda.