Xalq deputatlari Qo‘qon shahar Kengashi kotibiyaati mudiri A.Nosirov tomonidan tasdiqlangan reja asosida shahar Kengashi deputati O.Bozorovning saylov okrugi hududida joylashgan “Bo‘ston” mahalla fuqarolar yig‘ini fuqarolarining murojaatlari joyiga chiqqan holda o‘rganildi.

O‘rganish jarayonida Xalq deputatlari Qo‘qon shahar Kengashi kotibiyati mudiri A.Nosirov, Kengashi kotibiyati bosh mutaxassisi A.Adhamov hamda mahalla fuqarolar yig‘ini raisi bilan birgalikda mahalla hududidagi 49, 50, 51 va 52-sonli ko‘p qavatli uylar oldidagi ichki yo‘llarning holati ko‘zdan kechirildi. Aholi tomonidan mazkur yo‘laklarning yaroqsiz holga kelgani, harakatlanishda noqulayliklar tug‘dirayotgani hamda ularni asfaltlashtirish zarurligi ta’kidlandi.

Mazkur murojaatda ko‘tarilgan masala atroflicha o‘rganilib, mavjud holat bo‘yicha tegishli hujjatlar rasmiylashtirilishi va mas’ul tashkilotlarga deputatlik so‘rovi yuborilishi yuzasidan kelishib olindi.

Fuqarolar tomonidan bildirilgan murojaat va takliflarni o‘z vaqtida hal etish, hududlarda mavjud muammolarni bartaraf etish yuzasidan deputatlik nazorati davom ettiriladi.

Xalq deputatlari Qo‘qon shahar Kengashi