Muzrabot tumani hokimi, xalq deputatlari tuman Kengashi deputati Abdulla Mamatqulov reja grafigiga muvofiq, tumanning Fidokor mahallasida yashovchi fuqarolar uchun 20-sonli umumta'lim maktabida tumandagi tashkilot va korxona rahbarlari ishtirokida sayyor qabul o‘tkazdi.

Ushbu sayyor qabulda xalq deputatlari Muzrabot tumani Kengashining 16-Sho‘rob saylov okrugidan saylangan deputati Svetlana Jumayeva ham qatnashdi.

Shuningdek, deputat Svetlana Jumayeva o‘z saylov okrugiga qarashli “Fidokor” mahallasida mavjud ayrim muammolarni hal etish yuzasidan tuman hokimiga murojaat qilib, aholi uchun dolzarb bo‘lgan masalalarga e’tibor qaratdi.

Qabul davomida aholi tomonidan, ijtimoiy-iqtisodiy masalalar bo‘yicha 20 ga yaqin muammolari tinglanib, o‘rganildi.

Fuqarolarning murojaatlari asosida joyida hal etilishi mumkin bo‘lgan masalalar yuzasidan mutasaddi rahbarlarga tegishli topshiriqlar berildi.

Aholi bilan ochiq muloqotni yo‘lga qo‘yish, muammolarni manzilli va samarali hal etishdan maqsadida o‘tkazilayotgan qabullar hududlarda davom etmoqda.