XONOBOD MAHALLASIDA TADBIRKORLIKNI RIVOJLANTIRISH ISHLARI TAHLIL QILINDI

Xalq deputatlari Quva tuman Kengashi deputati B.Sharipov, tuman Kengashi
kotibiyati bosh mutaxassisi A.Fozilov Xonobod mahalla fuqarolar yig‘inida hokim
yordamchisi tomonidan aholini tadbirkorlikka jalb etish, tadbirkorlikni
qo‘llab-quvvatlash hamda yangi ish o‘rinlarini yaratish borasida amalga
oshirilayotgan ishlar holatini manzilli o‘rgandi.

Xususan, deputat tadbirkor A.Saydaliev tomonidan tashkil etilgan qurilish
materiallari, gazoblok ishlab chiqarishga ixtisoslashgan sex faoliyati bilan
yaqindan tanishdi va u yerda ishchilarga yaratilgan sharoitlar, faoliyatni
yanada kengaytirish, yangi ish oʻrinlari yaratish yuzasidan amaliy tavsiyalar
berildi.

Oʻrganishlar yakunida mahallada tadbirkorlikni rivojlantirish, aholi bandligini
taʼminlash va daromad manbalarini kengaytirish borasidagi ishlarni yanada
jadallashtirish boʻyicha hokim yordamchisiga tegishli tavsiyalar berdi.

O‘rganish jarayonida aniqlangan kamchiliklar deputat tomonidan “Deputatning
ko‘cha daftari”ga kiritilib, bartaraf etilishi nazoratga olindi.