YANGICHEK MAHALLASIDA TADBIRKORLIKNI RIVOJLANTIRISH ISHLARI TAHLIL QILINDI

Xalq deputatlari Quva tuman Kengashi deputati Y.Axmadaliyev hamda Kengash
kotibiyati bosh mutaxassisi A.Fozilov Yangichek mahalla fuqarolar yig‘inida
hokim yordamchisi tomonidan aholini tadbirkorlikka keng jalb etish, mavjud
biznes tashabbuslarini qo‘llab-quvvatlash hamda yangi ish o‘rinlarini yaratish
borasida amalga oshirilayotgan ishlar holatini manzilli o‘rgandi.

Deputat yosh tadbirkor M.Tojimatov tomonidan mahallada tashkil etilgan oshxona
hamda uy mehmonxona mebellari ishlab chiqarishga ixtisoslashgan sex faoliyati
bilan yaqindan tanishdi va u yerda yaratilgan sharoitlar, mahsulot sifati hamda
bozor talabiga mos ravishda faoliyat yuritish holati oʻrganilib, faoliyatni
yanada kengaytirish, yangi ish oʻrinlari yaratish yuzasidan amaliy tavsiyalar berildi.

Oʻrganishlar yakunida mahallada tadbirkorlikni rivojlantirish, aholi bandligini
taʼminlash va daromad manbalarini kengaytirish borasidagi ishlarni yanada
jadallashtirish boʻyicha hokim yordamchisiga tegishli taklif va tavsiyalar
berdi.

O‘rganish jarayonida aniqlangan kamchiliklar deputat tomonidan “Deputatning
ko‘cha daftari”ga kiritilib, bartaraf etilishi nazoratga olindi.