Xalq deputatlari Termiz shahar Kengashi deputati D.Toshboyeva hamda Kengash kotibiyati bosh mutaxassisi A.Temirov “Tuproqqo‘rg‘on” mahallasida bo‘lib, mahalla xodimlarining (mahalla yettiligining) bugungi kundagi ish faoliyati yuzasidan mahalla raisi bilan atroflicha suhbat olib bordilar.

💬 Ushbu o‘rganish jarayoni va tizimli tahlillar bevosita:

🟢O‘zbekiston Respublikasi Prezidentining PF-209-sonli Farmoni (mahallabay ishlash tizimini yanada kuchaytirish va mahallalarda davlat dasturlari ijrosini ta'minlashga oid talablar);

🟢Mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari doirasida tashkil etildi.

💬 Suhbat davomida mahalla raisi yetakchiligida hududda davlat dasturlarining ijro etilishi, aholini qiynayotgan ijtimoiy-iqtisodiy muammolarni hal etish borasidagi ishlar ko‘rib chiqildi.

💬 Xususan:
🟢PF-209-sonli Farmon talablaridan kelib chiqib, "yettilik" vakillarining o‘zaro muvofiqlashgan holda xonadonbay ishlash holati;
🟢Mahallada aholi tomonidan kelib tushayotgan kundalik murojaatlarning ko‘rib chiqilishi va ularning joyida hal etilish darajasi;
🟢Ijtimoiy daftarlar doirasida amalga oshirilayotgan ishlarning manzilliligi hamda samaradorligi;
🟢Hudud drayverlaridan foydalangan holda aholi bandligini ta’minlash ko‘rsatkichlari tahlil qilindi.

💬 Suhbat yakunida deputat tomonidan mahalla yettiligi faoliyatini yanada jonlantirish, aholi bilan doimiy va yaqin muloqotda bo‘lish, murojaatlarni hal etishda rasmiyatchilikka yo‘l qo‘ymaslik hamda ish samaradorligini oshirish bo‘yicha ko‘rsatmalar berildi.