Kuni kecha Xalq deputatlari Andijon viloyati Kengashida O‘zbekiston Respublikasi Prezidenti
Administratsiyasi hamda Oliy Majlis Senati xodimlaridan iborat ishchi guruh tashrifi yakunlari muhokamasiga bag‘ishlangan yig‘ilish bo‘lib o‘tdi. Unda xalq deputatlari tuman va shahar Kengashlari raislari, kotibiyat mudirlari, deputatlar, doimiy komissiyalar hamda siyosiy partiyalar rahbarlarining faoliyatini ‘rganish natijalari ko‘rib chiqildi. Ishchi guruh tomonidan bildirilgan taklif va xulosalar atroflicha muhokama qilindi. Yig‘ilishga viloyat Kengashi raisi O‘ktamjon Oxunov raislik qildi. Muhokamalar tanqidiy ruhda o‘tkazilib, mavjud
kamchiliklarni bartaraf etish, deputatlik faoliyati samaradorligini oshirish va aholi muammolarini hal etish bo‘yicha aniq vazifalar belgilab berildi. Ta’kidlanganidek, xalq ishonchini oqlash, saylovchilar bilan muloqotni kuchaytirish va deputatlik mas’uliyatini yanada oshirish bugungi kunning eng muhim vazifalaridan biri
hisoblanadi. Yig‘ilish yakunida barcha ishtirokchilar zimmalariga yuklatilgan vazifalarni vijdonan, fidoyilik va yuksak mas’uliyat bilan bajarishga chorlandi.