Xalq deputatlari Boyovut tumani Kengashi deputati Z. Alimov boshchiligida tuman hokimligining Qurilish bo‘limi, Obodonlashtirish boshqarmasi hamda “Suvta’minot” unitar korxonasi mutaxassislari ishtirokida tumandagi ixtisoslashtirilgan maktabda kanalizatsiya tizimini yaxshilash masalasi yuzasidan o‘rganish ishlari olib borildi.

O‘rganish davomida mavjud kanalizatsiya tarmog‘ining texnik holati ko‘zdan kechirilib, aniqlangan muammolar va ularni bartaraf etish bo‘yicha zarur chora-tadbirlar muhokama qilindi. Shuningdek, ta’lim muassasasida sanitariya-gigiyena sharoitlarini yanada yaxshilash, o‘quvchilar va pedagoglar uchun qulay muhit yaratish masalalariga alohida e’tibor qaratildi.

O‘rganish yakunlari bo‘yicha mas’ul tashkilotlarga tegishli tavsiyalar berilib, kanalizatsiya tizimini modernizatsiya qilish va mavjud kamchiliklarni bartaraf etish yuzasidan amaliy choralarni belgilashga kelishib olindi. Mazkur masala deputat nazoratiga olindi.