MAKTABDA OLIB BORILAYOTGAN QURILISH-TA’MIRLASH ISHLARI TAHLIL QILINDI

Xalq deputatlari Quva tuman Kengashi deputati S. Bo‘riyeva, kotibiyat bosh
mutaxassisi A. Fozilov hamda “MADAD” NNT tuman vakili X. Qodirovlar ishtirokida
O‘zbekiston Respublikasi Prezidentining 2025-yil 27-dekabrdagi PQ–393-son
qarori ijrosi doirasida Yuqori Qo‘rg‘oncha mahalla fuqarolar yig‘ini hududida
joylashgan 46-son umumiy o‘rta ta’lim maktabida olib borilayotgan
rekonstruksiya ishlari o‘rganildi.

O‘rganish jarayonida maktabda amalga oshirilayotgan qurilish-ta’mirlash ishlari
holati, sifat darajasi hamda belgilangan muddatlarga rioya etilishi yuzasidan
atroflicha tahlil olib borildi.

Deputat tomonidan jarayon yuzasidan mas’ullarga tegishli tavsiya va ko‘rsatmalar
berilib, ishlarni sifatli va o‘z vaqtida yakunlash muhimligi ta’kidlandi.

O‘rganish yakunida aniqlangan kamchiliklar va takliflar asosida tegishli
chora-tadbirlar belgilandi hamda ishlarni tizimli davom ettirish zarurligi qayd
etildi. Aniqlangan kamchiliklar deputat tomonidan “Deputatning ko‘cha daftari”ga
kiritilib, nazoratga olindi.