Xalq deputatlari Muzrabot tumani Kengashiga 19-Qizilolma saylov okrugidan saylangan deputati Artikova Umida hamda tuman Kengashi kotibiyati bosh mutaxassisi B.Xoliqov hamkorlikda “Olmazor” mahallasi hududida joylashgan 17-sonli umumta’lim maktabida bo‘lib, ta’lim muassasasida amalga oshirilayotgan qurilish-ta’mirlash ishlarining borishini o‘rgandilar.

O‘rganish jarayonida maktabda sinf xonalarining holati, o‘quv jihozlari, isitish tizimi va sanitariya sharoitlari atroflicha ko‘zdan kechirildi.
Ma’lumki, ayni paytda mazkur maktabda “Qishloq joylarni kompleks rivojlantirish” (2-bosqich) loyihasi doirasida 180 o‘rinli o‘quv binosi, oshxona va sport zal binolarini mukammal ta’mirlash ishlari amalga oshirilmoqda.

Qurilish-ta’mirlash ishlari “ZARAVUT SOY QURILISh” MChJ tomonidan bajarilmoqda.

O‘rganish davomida obyektda o‘quv binosini ta’mirlash ishlari yakuniy bosqichga yetgani, hozirda binolarning tashqi qismini bo‘yash ishlari olib borilayotgani ma’lum bo‘ldi.

Shuningdek, yangi oshxona va hojatxona qurilishi ishlarini boshlash uchun zarur tayyorgarlik ishlari amalga oshirilmoqda.
Deputat tomonidan maktabning o‘quv vositalariga bo‘lgan ehtiyoji, ta’lim sifatini yanada oshirish, o‘quvchilar uchun zamonaviy va qulay sharoitlar yaratish masalalari yuzasidan fikr-mulohazalar bildirilib, tegishli tavsiyalar berildi.