BOZORLARDAGI NARX-NAVO VA MAHSULOTLAR YETARLILIGI — DEPUTAT NAZORATIDA.

Xalq deputatlari Ko‘kdala tuman Kengashi 17-“Soybuyi” saylov okrugi deputati M.Turdiyeva tomonidan hududdagi bozorlarda aholi iste’moli uchun eng zarur oziq-ovqat mahsulotlari narx-navosi hamda mahsulotlarning yetarlilik darajasi yuzasidan o‘rganish ishlari olib borildi.

Deputat tomonidan savdo faoliyati bilan shug‘ullanuvchi tadbirkorlar va fuqarolar bilan muloqot qilinib, bozorlarda narxlar barqarorligini ta’minlash, mahsulotlar sun’iy taqchilligiga yo‘l qo‘ymaslik hamda aholining kundalik ehtiyojlarini uzluksiz qondirish yuzasidan tavsiyalar berildi.

Aholi manfaatlarini himoya qilish, bozorlardagi narx-navoni nazorat qilish va oziq-ovqat xavfsizligini ta’minlash borasidagi bunday o‘rganishlar davom ettiriladi.