Xalıq deputatları Taxtakópir rayonlıq Keńesi sekretariatı baslıǵı T.Jusipov "A.Adilov" APJ aymaǵında jaylasqan 7-sanlı ulıwma orta bilim beriw mektebinde bolıp, oqıwshılardıń dene tárbiya hám sport penen turaqlı shuǵıllanıwı ushın jaratılǵan sharayatların úyrendi.
Úyreniwde mekteptiń sport zalı hám sport inventarları menen támiyinlengenlik jaǵdayı kózden ótkerildi. Sonday-aq, oqıwshılardı sportqa keńnen tartıw, olardıń bos waqtın mazmunlı shólkemlestiriw hám salamat turmıs tárizin úgit-násiyatlaw baǵdarında ámelge asırılıp atırǵan jumısları menen tanıstı.
Atap ótilgenindey, jas áwladtıń fizikalıq jaqtan salamat hám ruwxıy jaqtan bárkamal bolıp kamalǵa keliwinde bilimlendiriw mákemelerinde jaratılǵan sport infrastrukturasınıń áhmiyeti sheksiz.
✅ Jas áwladtıń salamat hám bárkamal bolıp kamalǵa keliwi ushın jaratılǵan sharayatlardı úyreniw hámde bul baǵdardaǵı jumıslar nátiyjeliligin asırıw deputatlar dıqqat orayında bolıp qalmaqta.