🏛 Xalq deputatlari Shovot tumani Kengashi raisi J.Babajonov, tuman Kengashi deputati M.Ro‘zmetov, kotibiyat xodimi U.Ruzmetov hamda “Adolat” SDP tuman Kengashi raisi M.Abdiyazova tumandagi Katqala mahallasida joylashgan “Anjirsan” restoranida bo‘lib, hududda amalga oshirilayotgan tadbirkorlik faoliyati bilan yaqindan tanishdilar.

📌 O‘rganish davomida hokim yordamchisi J.Sultanov tomonidan O‘zbekiston Respublikasi Prezidentining “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi 2026-yil 5-fevraldagi PQ-49-son qarori ijrosi yuzasidan amalga oshirilgan ishlar ko‘rib chiqildi.

💼 Xususan, tadbirkor Atajanov Raxmat tomonidan 400 million so‘m imtiyozli kredit evaziga faoliyat boshlagan “Anjirsan” restorani faoliyati o‘rganildi. Mazkur loyiha doirasida 16 ta yangi ish o‘rni yaratilgani alohida qayd etildi.

🤝 Hududlarda tadbirkorlikni rivojlantirish, yangi ish o‘rinlarini yaratish hamda aholi bandligini ta’minlash borasidagi amaliy ishlar izchil davom ettirilmoqda.